Басты бет
Бағдарлама
Спикерлер
Көрме
Байланыс ақпараты
«Орал сауда-өнеркәсіп компаниясы» ЖШС 2003 жылдың тамыз айында құрылды. Компанияның құрылтайшысы және директоры - Крылов Валерий Юрьевич. Өндірістік кешен 12 цехтан және өнеркәсіптік кәсіпорындарға тән толық инфрақұрылымнан тұрады. Кәсіпорынның жалпы ауданы - 7 Га.
Бүгінгі таңда компания сумен жабдықтау және газбен жабдықтау жүйелеріне арналған диаметрі 20-дан 1600 мм-ге дейінгі полиэтилен құбырларын, диаметрі 20-дан 630 мм-ге дейінгі қорғаныш қабығы бар полиэтилен құбырларын, көп қабатты құбырларды, сондай-ақ металл жабынқышты, пішінделген қаңылтырды, қосымша элементтерді, жол белгілерін және қауіпсіздік техникасы бойынша белгілерді, сондай-ақ пластмассадан халық тұтынатын тауарларды өндіреді. Кәсіпорынның өндірістік қуаты - жылына 37 200 тонна полиэтиленді қайта өңдеу.
2010 жылдың 12 сәуірінен бастап Сапа менеджменті жүйесі жұмыс істейді. Ол ҚР СТ ISO 9001-2016 «Сапа менеджменті жүйесі. Талаптар» талабына сәйкес келеді.
2012 жылдың 15 қазанынан бастап Экологиялық менеджмент жүйесі жұмыс істейді. Ол ҚР СТ ISO 14001-2006 талаптарына сәйкес келеді. Кәсіби қауіпсіздік және денсаулық менеджменті жүйесі ҚР СТ OHSAS 18001-2008 талаптарына сәйкес келеді. «Орал сауда – өнеркәсіптік компаниясы» ЖШС өз қызметінің барлық аспектілерін жетілдіруге ұмтылады, сондықтан өндірістік қалдықтардың қоршаған ортаға әсерін барынша азайтуға көп көңіл бөледі. Негізгі жұмыс қалдықтарды қайта пайдалану және қайта өңдеу жолымен олардың санын азайтуға, технологиялық жабдықтың сенімділігін арттыру есебінен атмосфераның ластануын болдырмауға бағытталған. Атқарылған жұмыстардың нәтижесі бизнестің әлеуметтік жауапкершілігі жөніндегі «Парыз 2014», «Парыз 2019» байқауларындағы «Экологияға қосқан үлесі үшін» номинациясындағы марапат болды.
2013 жылы компания өзінің Сапа менеджменті жүйесінің API Spec Q1 және ISO/TS 9001:2008 халықаралық стандарттарының талаптарына сәйкестігін растады. 2017 жылы компания Сапа менеджменті жүйесі API Spec Q1 және ISO 9001:2015 сәйкес келетінін растады.
Қолданыстағы ISO 9001:2015 сапа менеджменті жүйесі негізгі және ілеспе процестердің сапасына әсер ететін барлық факторларды білікті және негізделген басқаруға кепілдік береді. Жыл сайын компания өзінің Сапа менеджменті жүйесінің API Spec Q1 және ISO 9001:2015 халықаралық стандарттарының талаптарына сәйкестігін растайды.
2017 жылғы 24 наурыздан бастап №000924, №16015164 МҚЛ лицензияларына сәйкес құрылыс-монтаждау жұмыстарына қатысты ҚР СТ ISO 9001-2016 Сапа менеджменті жүйесі және ҚР СТ ИСО 14001-2016 Экологиялық менеджмент жүйесі жұмыс істейді. Сондай-ақ, компания «Самұрық-Қазына Келісімшарт» АҚ Холдингінің верификациялық аудитінен өтіп, Холдингтің әлеуетті өнім берушілерінің тізіміне кірді.
2017 жылы компания МЕМСТ 32415-2013 бойынша ыстық сумен жабдықтау және жылыту үшін PE-RT полиэтилен маркасынан полиэтилен құбырларын шығаруды бастады. Бұл құбырлар суды, соның ішінде ауыз суды тасымалдауға арналған, сонымен қатар суық сумен жабдықтау, ыстық сумен жабдықтау және жылыту жүйелерінде қолданылады.
2009 жылдың қыркүйек айында Қазақстан Республикасының Президенті компанияның өнімдерімен танысып, пластмассаны қайта өңдеу зауыты өңірдегі жалғыз зауыт болып табылатынын, заманауи жабдықтары, жоғары білікті мамандары бар және тұтынушыға қажетті сапалы өнім шығаратынын атап өтті. Сол жылдың желтоқсан айында Қазақстан Республикасының Премьер-Министрі Кәрім Мәсімовке зауыттың өнімі ұсынылды. Премьер-Министр зауыттың тұрақты жұмысы мен шығарылатын тауарлардың сапасын, сондай-ақ зауыттың БҚО дамуына қосқан зор үлесін атап өтті.
2017 жылдың мамыр айында «Атамекен» ҰКП Төралқа Төрағасы Тимур Құлыбаев зауытқа жұмыс сапарымен келді. Өткен жылдан бастап кәсіпорын өз өнімін Ресейге жеткізіп келеді. Әлеуетті импорттаушы ретінде Қырғызстан да қарастырылады. Бірақ Қазақстандағы «ОСӨК» негізгі өткізу нарығы ҰКП басшысының назарын аударды. Ұлттық палата басшысы ресейлік өтім нарығына қызығушылық танытты. «Ресей жылына шамамен 15% алады, бірақ біз олармен тек өткен жылдан бастап жұмыс істей бастадық. Біздің тауарға Қырғызстан да қызығушылық танытты», - деп жауап берді «ОСӨК» ЖШС директоры.
Компания әр түрлі республикалық және аймақтық көрмелер мен конкурстарға үнемі қатысып отырады.
2019 жылы «Орал сауда-өнеркәсіптік компаниясы» ЖШС өнім сапасы саласындағы жетістіктері үшін Тәуелсіз Мемлекеттер Достастығы сыйлығының конкурсына қатысып, «жұмысшылар саны 250 адамға дейінгі өндірістік мақсаттағы өнімді өндіру» номинациясы бойынша осы сыйлықтың дипломанты атанды.
2018 жылы «Орал сауда-өнеркәсіптік компаниясы» ЖШС «Алтын Сапа-2018» республикалық конкурсына қатысып, «Өндірістік мақсаттағы үздік кәсіпорын» номинациясы бойынша ҚР Президенті сыйлығының лауреаты атанды. Сыйлық үшін шағын, орта және ірі бизнестің 182 кәсіпорны күресті. Марапат өнімнің жоғары сапасына қол жеткізгені, олардың қауіпсіздігін қамтамасыз еткені, сапа менеджментінің жоғары тиімді әдістерін енгізгені үшін кәсіпорынның ерекше еңбегін мойындау формасы болып табылады.
2012, 2013, 2014, 2015, 2016 жылдары «Қазақстанның үздік тауары» өңірлік байқауында «халыққа арналған үздік тауарлар» номинациясы бойынша бірнеше рет бірінші болып танылды. 2017ж., 2018ж., 2019ж. компания аймақтық көрме-байқауында «Өндірістік мақсаттағы үздік тауарлар» номинациясы бойынша жеңімпаз атанды. Компания 2012, 2013, 2014 жылдары «МІНСІЗ» Халықтық сапа белгісіне ие болды. Кәсіпорын орта кәсіпкерлік субъектісі болып табылады және өзін Қазақстан нарығында өз өнімдерінің сенімді және сапалы өндірушісі ретінде танытты.
